2026 жылғы 21 мамырда «Алматы қаласын дамыту орталығы» АҚ алаңында батарейкалар, электронды қалдықтар және қайта өңдеу саласындағы ынтымақтастық перспективалары бойынша жұмыс кездесуі өтті. Кездесуге ЦРА өкілдері мен Орталық Азиядағы литий-ионды батареяларды қайта өңдейтін бірегей кәсіпорын — First Recycling (Technic Destroy) компаниясының басшылығы қатысты.
Кездесу барысында тараптар Алматы қаласында экологиялық мәдениетті қалыптастыру, халық арасында экологиялық ағарту жұмыстарын күшейту, батарейкалар мен электронды қалдықтарды жинау инфрақұрылымын дамыту мәселелерін талқылады.
First Recycling компаниясы бүгінде литий-ионды аккумуляторлардың 16-дан астам түрін, сілтілі батарейкаларды, электронды қалдықтарды, оргтехниканы, жиһаз бен ABS-пластикті қайта өңдейтінін атап өтті. Кәсіпорын ғылыми қауымдастықпен белсенді жұмыс жүргізіп, мектептер мен жастарға арналған экологиялық бағдарламаларды дамытуға қызығушылық білдіруде.
Кездесу қорытындысы бойынша тараптар бірлескен бюджетсіз пилоттық жобаны іске асыру жөнінде келісімге келді. Сондай-ақ әлеуметтік нысандарда батарейка қабылдау нүктелерін орналастыру және балалар мен жастарды экологиялық бастамаларға тартуға арналған бонус жүйесін әзірлеу мүмкіндігі қарастырылуда.
Алдағы уақытта жоба тұжырымдамасын пысықтау, ресми ұсыныстар дайындау және салааралық келісу жұмыстарын жүргізу жоспарланып отыр.
