Правительство Казахстана намерено еще раз проиндексировать пенсии

Бұл мақсатқа нақтыланған бюджетте 111 миллиард теңге қарастырылған.

Инфляция дәлізінің өзгеруіне байланысты зейнетақы мен жәрдемақы тағы индексацияланады. Нақтыланған бюджетте оған 111 миллиард теңге қарастырылған. Бұл туралы Премьер-министрдің орынбасары Ералы Тоғжанов мәлімдеді.

Ол күні кеше Үкімет маңызды шешім қабылдағанын еске салды.

«Инфляция дәлізінің 8-10%-ға дейін өзгеруіне байланысты зейнетақы мен жәрдемақы мөлшерін қосымша тағы 4%-ға индексациялау жоспарланып отыр. Бұл жиынтық мәнде барлық әлеуметтік төлемнің 9%-ға, ал ынтымақты зейнетақының 2021 жылға қарағанда 11%-ға өсуін қамтамасыз етеді«, - деді Тоғжанов мәжіліс отырысында.

Нәтижесінде 4,2 миллион адамның әлеуметтік төлемі ұлғаяды.

Бұл мақсатқа нақтыланған бюджетте 111 миллиард теңге көзделген.

Жалпы әлеуметтік міндеттемелерді орындауға бюджеттен 4 триллион теңге қарастырылған. Бұл өткен жылмен салыстырғанда 230 миллиард теңгеге артық.

Дереккөз: Almaty.tv.